Letsgo.lu ass eng Sammlung vun Aktivitéiten an Ausfluchsziler zu Lëtzebuerg an an der Groussregioun, déi sech u Jugendlecher a jonk Erwuessener riichten.
D’Plattform soll virun allem Jugendhaiser an aner Jugendorganisatiounen dobäi ënnerstëtzen, spannend an ofwiesslungsräich Aktivitéite fir hir Jugendlech ze fannen an ze plangen.
D’Säit gëtt vum Jugendhaus Bierchem geréiert a reegelméisseg mat neien Angeboter ergänzt. De Schwéierpunkt läit op Aktivitéiten, déi sech als Dagesausfluch, z.B. am Kader vun der pädagogescher Jugendarbecht, eegnen.
Hëllef eis, Letsgo.lu nach méi komplett ze maachen!
Du kenns eng spannend Aktivitéit, déi nach net an eisem Katalog ze fannen ass? Da schéck eis gär eng E-Mail mat engem Link zur Aktivitéit op info<@>jhb.lu. Mir freeën eis iwwer all nei Iddi!
Letsgo.lu ëmmer dobäi!
Du kanns Letsgo.lu och als App (Progressive Web App) direkt iwwer däi Browser op dengem Smartphone, Tablet oder Computer installéieren. Sou hues du eis Sammlung vun Aktivitéiten ëmmer séier bei der Hand.
Enjoy,
Jim Urbain
JUGENHDHAUS BIERCHEM
www.jhb.lu
Kontakt